ბიზნესის წარმატებისთვის ძალიან მნიშვნელოვანია ბუღალტერსა და მენეჯმენტს შორის კონსტრუქციული, მკაფიო და დროული კომუნიკაცია. ბუღალტერს აქვს ფინანსური მონაცემების ზუსტი ანალიზის და აღრიცხვის პასუხისმგებლობა, ხოლო მენეჯმენტს გადაწყვეტილების მიღების პასუხისმგებლობა.
მაშინ, როდესაც ამ ორ რგოლს შორის კომუნიკაცია არაეფექტურია, კომპანია ექვემდებარება არა მხოლოდ ფინანსურ, არამედ რეპუტაციულ და სტრატეგიულ რისკსაც.
სტატიაში ნახავთ, იმ ხშირ გამოკვეთილ პრობლემებს, რასაც არაეფექტური კომუნიკაცია იწვევს:
ბიუჯეტირების შეცდომები და ხარვეზები
ბუღალტერს აქვს ზუსტი ინფორმაცია კომპანიის შემოსავალზე, ხარჯებსა და ვალდებულებებზე. მის მიერ მიწოდებული ინფორმაცია კი აუცილებელია გონივრული ბიუჯეტირებისთვის – მენეჯმენტის მხრიდან. თუ კომპანიას არ აქვს სრულყოფილი ინფორმაცია კომპანიის ფინანსური მდგომარეობის შესახებ, ამან შეიძლება გამოიწვიოს არასწორი, არარეალისტური გადაწყვეტილებები. რაც ცუდად აისახება კომპანიის საერთო ფუნქციონირებაზე.
გადასახადების და მარეგულირებელი ორგანოების მიერ დაწესებული მოთხოვნების უგულებელყოფა
ბუღალტერის ვალდებულებაა დაიცვას საგადასახადო ვადები, იხელმძღვანელოს საგადასახადო კოდექსით. მენეჯმენტის წარმომადგენლები თუ არ უსმენენ მას, ან ბოლომდე ვერ იაზრებენ ბუღალტერის რეკომენდაციებს, შესაძლოა მოხდეს სერიოზული დარღვევები: ჯარიმები, საგადასახადო შემოწმებები და სასამართლო დავები.
ფინანსური რეპორტის დაგვიანება ან არასწორი ინტერპრეტაცია
ფინანსური ანგარიშგებები აუცილებელია სტრატეგიული გადაწყვეტილებების მისაღებად. თუ მენეჯმენტს ინფორმაცია დროულად არ მიეწოდება, ან მიწოდებული მონაცემები ბუნდოვანია და რთული გასაგებია, ეს შეიძლება არასწორი დასკვნების და მცდარი ნაბიჯების მიზეზი გახდეს. ამიტომ ბუღალტერის ვალდებულებაა ნებისმიერი სახის ფინანსური რეპორტი მოარგოს კონკრეტული ბიზნესის საჭიროებებს და რეპორტები წარადგინოს მათთვის გასაგებ ენაზე.
მისკომუნიკაციის შედეგები:
საბუღალტრო მომსახურებაში დროული კომუნიკაცია და ხარისხი პირდაპირ გავლენას ახდენს მომსახურების ეფექტიანობაზე და ბიზნესის მიერ სწორი გადაწყვეტილებების მიღებაზე. მომხმარებლის მიერ დასმულ კითხვებზე დაგვიანებული პასუხი აღიქმება როგორც არასაკმარისი მომსახურება და ხშირად იწვევს არასწორ ქმედებებს, რაც ფინანსურ და სამართლებრივ რისკებს ქმნის.
საწყის ეტაპზე აუცილებელია ბუღალტერს სრულყოფილად ესმოდეს ბიზნესის სპეციფიკა, საოპერაციო პროცესები და პარტნიორული ურთიერთობები, რაც არის საფუძველი ეფექტური საბუღალტრო პოლიტიკის ჩამოყალიბებისთვის. არასაკმარისი კომუნიკაცია საწყის ეტაპზე მომავალში სისტემურ პრობლემებს იწვევს.
გარდა ამისა, ეფექტური მომსახურება მოითხოვს სისტემატურ კომუნიკაციას და პასუხისმგებლობის გამოჩენას, მათ შორის რეგულარულ შეხსენებებს მომხმარებლის მიმართ. კომუნიკაცია უნდა იყოს არა ფორმალური მოვალეობა, არამედ შედეგზე ორიენტირებული პროცესი.
კომუნიკაცია უნდა იყოს ორმხრივი: ბიზნესმაც და ბუღალტერმაც თანაბრად უნდა გაიზიარონ პასუხისმგებლობა გადაწყვეტილებების შეთანხმებაზე, რათა შემცირდეს რისკები და უზრუნველყოფილ იქნეს პროცესების გამჭვირვალობა და სიზუსტე.
რატომ არის კომუნიკაციის ხარისხი სერვისის ერთ-ერთი მნიშვნელოვანი ნაწილი.
ეფექტური კომუნიკაცია არ არის უბრალოდ საუბარი. ის არის ინფორმაციის გაცვლის ისეთი პროცესი, რომელიც იწვევს მოქმედებას, გადაწყვეტილებებს და შედეგს. კომპანიები, სადაც სრულფასოვანი კომუნიკაციაა:
- გაუმჯობესებულია ფინანსური მართვა: კომპანიის საჭიროებებსა და მის მენეჯმენტზე მორგებული კომუნიკაცია, ნიშნავს გასაგებ, გააანლიზებულ და რეალურ მონაცემებზე დაფუძნებულ სტრატეგიებს.
- რეგულაციებთან შესაბამისობაა: სწორი და დროული კომუნიკაცია, მუდმივი აფდეითი სიახლეებზე, უზრუნველყოფს ყველა რგოლის მიერ კანონმდებლობის დაცვის სწორ პროცესს.
- მომსახურების მაღალი ხარისხია: როცა მენეჯმენტს და ბუღალტერს სინქრონულად აწყობილი პროცესი აქვთ, შედეგი აისახება კომპანიის მომხმარებელზეც.
- გუნდის მოტივაცია და სტაბილურობა: კომუნიკაცია, რომელიც აღიარებს და ითვალისწინებს სხვადასხვა დეპარტამენტის ხედვებს, ქმნის გუნდურ გარემოს.
ქაუნთმენის საკომუნიკაციო სტრატეგია
ერთ-ერთი ყველაზე ეფექტური გზა ბუღალტერსა და მენეჯმენტს შორის კომუნიკაციის გაუმჯობესებისათვის არის სტრუქტურიზებული, გამჭვირვალე და ტექნოლოგიაზე დაფუძნებული საკომუნიკაციო პროცესების დანერგვა – სწორედ ამ მიმართულებით მუშაობს ქაუნთმენი. შიდა პროცესები, რომელთა შორისაა მონაცემების რეგულარული მონიტორინგი და სტანდარტიზებული ინფორმაციის გადაცემა, მნიშვნელოვნად ამცირებს მისკომუნიკაციის რისკს და ამაღლებს სერვისის ხარისხს.
ჩვენი შიდა პროცესები მოიცავს:
- მომხმარებლებთან კომუნიკაციის რეგულარულ მონიტოინგს
- თანამედროვე საკომუნიკაციო არხებს
- ინდივიდუალური ურთიერთობას
- Customer Care – მიმართულებას, რომელიც ზრუნავს მომხმარებლის კმაყოფილებაზე
- მენეჯმენტის ჩართულობას თითოეული კომპანიის საკომუნიკაციო არხებთან და მათი მხრიდან მუდმივ მონიტორინგს
- თანამედროვე CRM პროგრამებს, სადაც გაწერილია თითოეული მომხმარებლის საჭიროებები, დასაბრუნებელი უკუკავშირები და ნებისმიერი მიმდინარე დავალება
მსგავსი სისტემა ბიზნესესს საშუალებას აძლევს, რომ ფოკუსირდნენ მთავარ მიზნებზე, განვითარებაზე, ზრდაზე და ინოვაციებზე.