დამატებული ღირებულების გადასახადი (დღგ) არის საერთო სახელმწიფოებრივი გადასახადი, რომელიც შეადგენს 18%-ს.
დღგ-ს იხდის:
- ნებისმიერი ფიზიკური თუ იურიდიული პირი, რომელიც დამოუკიდებლად ეწევა ეკონომიკურ საქმიანობას
- პირი, რომლის შემოსავალიც უწყვეტი 12 კალენდარული თვის განმავლობაში აღემატება 100,000 ლარს
- აქციზური საქონლის მწარმოებლები
რა იბეგრება დღგ-თი?
- საქართველოს ტერიტორიაზე საქონლის/მომსახურების მიწოდება
- საქონლის იმპორტი
- დღგ-ს დარიცხვისას მნიშვნელოვანია, დადგინდეს:
საქონლის/მომსახურების მიწოდების ადგილი
- ოპერაციის თანხა და დრო
- აქვს თუ არა ოპერაციას დღგ-სგან გათავისუფლების უფლება
დღგ-ის ჩათვლა არის დასაბეგრი პირის უფლება, შეამციროს გადასახდელი დღგ საქონლის/მომსახურების ხარჯებზე გადახდილი დღგ-ის თანხით. ამისთვის აუცილებელია დასაბეგრი პირი რეგისტრირებული იყოს დღგ-ს გადამხდელად.
რა არის დღგ-ს ჩათვლის დოკუმენტი?
- საქონლის ან მომსახურების შეძენისას საგადასახადო კოდექსით დადგენილი წესით გამოწერილი საგადასახადო ანგარიშ-ფაქტურა
- საქონლის იმპორტის შემთხვევაში – იმპორტის დეკლარაცია
- დღგ-ის გადამხდელად რეგისტრირებული პირის მიერ უკუდაბეგვრის შემთხვევაში დარიცხული და დღგ-ის დეკლარაციაში ასახული თანხა
- საგადასახადო ორგანოს გადაწყვეტილებით საქონლის იმპორტზე დარიცხული დღგ-ის ბიუჯეტში გადახდის დამადასტურებელი დოკუმენტი
გახსოვდეთ! უკუდაბეგვრა ვრცელდება არარეზიდენტი პირის მიერ საქართველოში გაწეულ მომსახურებაზე, რომელიც არ არის დაფუძნებული ან არ ცხოვრობს საქართველოში.